Somos un centro social autoxestionado e horizontal e como tal todxs contamos o mesmo e todxs colaboramos no que podemos. Se acodes a algunha actividade ou simplemente che apetece colaborar co proxecto podes facelo de moitos xeitos: economicamente, ofrecendo algún obradoiro para compartir o teu coñecemento, participando nas asembleas mensuais para a xestión do centro social ou propoñendo actividades.

O alugueiro e os gastos básicos de luz e auga, así como os gastos para organizar eventos como a cartelería, transporte dxs poñentes, etc. financiámolo a través das cotas dxs compañeirxs e tamén con achegas puntuais que se poden facer no local ou mediante transferencia. Sempre andamos xustiñxs de cartos, así que canto máis xente aporte o seu gran de area mellor.

Ninguén do centro social ten ningunha retribución, nin tampouco se cobra polas actividades e, por principios, decidimos funcionar sen subvencións.

Para a cota temos tres opcións segundo as posibilidades de cada quen: 10, 15 ou 20€ ao mes, que se paga de forma trimestral para poder ter unha mellor planificación económica. Para iso tes o seguinte formulario.

O noso número de conta A Hedreira:

ES26 3070 0030 1563 0923 8423

Calquera dúbida contáctanos en csahedreira@riseup.net